Mākete Mahi Toi a PANNZ Tono Whakaaturanga me te Whakahāngai
I mua i te tīmata, tēnā, pānuitia ngā taipitopito kei raro iho nei.
-
Ki te titiro ki tā mātou aratohu tono, whāia koa tēnei pae hono: PDF / Word.
-
Mehemea ka tono koe ki te whakahāngai atu/whakaatu i te tini o ngā mahi ka mate koe ki te whakakī i tētahi puka tono mā ia mahi, mā ia mahi. Tēnā, tuhia te īmera kotahi ki ngā tono katoa e tāpaetia ana hei āwhina i a mātou ki te honohono i ngā mahi katoa ki tō kīwhaiaro kaiwhakanao.
-
Mehemea e tono atu ana koe mō tētahi Whakaaturanga ā-Ao, ME whakarato e koe tētahi Rautaki ā-Ao mō tō mahi. Pawhiritia ki konei e tiro ai i ngā aratohu i tēnei tuhinga.
-
Ki te kore e hāngai ētahi o ngā pātai, tēnā, kia N/A tō whakautu.
-
Ina tāpaetia mai tō tono, ka mōhio mātou kua rite tō tono kia arotakengia, nō reira, ko te painga atu mehemea kua whakaurua e koe ngā pārongo whai pānga katoa i mua i te pāwhiri i te pātene tāpae. E tūtohu nei mātou kia oti katoa i a koe tō tono i te wā katoa, me te whakawhāiti i ō mea katoa i mua i te tīmata i te tukanga.
KIA MAUMAHARA: Ki te angitu tō tono, e whakaae ana koe ki ngā āhuatanga e whai ake nei:
-
Ngā kōiriiri e tāpae nei koe ka wātea kia tirohia e māngai kē atu mā te pūhara Mākete Mahi Toi a PANNZ.
-
Ko ngā mahi e tāpaetia ana e koe ka taea te rekoata, te tiritiri anō hoki mā runga i te pūhara, i mua, i muri i te wā anō hoki o te Mākete Mahi Toi a PANNZ, me ngā kaupapa tuihono ka urungia e ahau (hei tauira, mā runga ZOOM) i te Mākete Mahi Toi a PANNZ. Ka mahia hei whakatairanga i te mahi mō ngā āheinga whakaaturanga, ā, ka wātea anō hoki mō ngā māngai i oti ai te rēhita mō te Mākete Mahi Toi a PANNZ 2023. Ka waiho i te pūhara mō te kotahi tau.
Ki te angitua tō tono, kei a koe te tikanga ki te muku i ō pitopito kōrero katoa, tae atu hoki ki ō konae pāpāho, i te pūnaha.
Kia maumaharatia: he ahakoa ka wātea tō mahi i mua, i muri, i te wā anō hoki o te mākete, ka āhei koe ki te takiuru ki te pūhara Mākete Mahi Toi a PANNZ ki te whakatikatika, ki te whakamōhou, me te ūkui anō hoki i tō kīwhaiaro me ngā kōiriiri i tāpaetia ai e koe.
Mehemea he raru ōu i te tuku i tō tono, tēnā, whakapā atu ki a Lesley-Anne, lesleyanne@pannz.org.nz.