Puka Tono Marohi/Whakaaturanga PANNZ Arts Market 2024
I mua i tō tīmata, pānuihia koa ngā kupu kei raro nei.
Tēnā koa, pānuihia katoatia ngā Aratohu Puka Tono i konei: PDF / Word.
Mā ngā ringatoi/kaiwhakaputa tēnei Puka Tono e tono ana mō tētahi o ēnei e whai ake nei:
Tono Kotahi-Miniti
Tono Rima-Miniti (me te kōwhiringa, ki te hiahia, ki te whakahaere i tētahi Whakaaturanga Whāroa)
Whakakitenga Whakawhanaketanga
-
Whakaaturanga Whāroa: He iti noa ngā āheinga ka whakaritea e PANNZ mō ngā Whakaaturanga Whāroa i te wā e tū ana te Mākete. Arā, he whakaaturanga o tētahi mahi tēnei e rite ana kia tāpoi. E pōwhiritia ana ngā kaitono e tono ana mō tētahi Tono Rima-Miniti kia tohua mehemea e hiahia ana rātou ki te whakahaere i tētahi Whakaaturanga Whāroa i a rātou e whakaoti ana i ā rātou puka. Ka mahi tahi a PANNZ ki te taha o te hunga e whakaatu ana i te hiahia, ā, ka whakaūngia ngā taipitopito me te pitomata ki te whakahaere whakaaturanga i te wā e tū ana ko Market 2024.
-
Mehemea karekau he pātai, tēnā koa me whakautu N/A.
-
Kia tāpaetia e koe tō puka tono, ka whakamōhiotia mai mātou kua rite te puka tono kia arotakengia, nā reira, me mātua whakatūturu e koe i tāpiri katoatia ngā kōrero i tonoa i mua i te pēhi i te pātene tāpae. Ko tā mātou tūtohu me whakaoti e koe te puka tono i te wā kotahi, ā, kia kohia ake ō rawa i mua i te tīmata i tāu tono.
ME PĀNUI: Mehemea ka angitu tō tono, ka whakaae koe ki ēnei whakaritenga e whai ake nei:
-
Ko ngā pārongo ka tukuna e koe ka wātea ki ētahi atu taraketi i runga i te PANNZ Arts Market Digital Platform.
-
Tērā te tūpono ko ngā rawa whakatairanga katoa e whakaratohia ana e koe ka hopukina, tohaina hoki mā runga i te pūwhara i mua i te tūnga o te PANNZ Arts Market, i te tūnga o te taiopenga, ā, i muri anō hoki, tae atu anō hoki ki ngā taiopenga ipurangi e tae atu ana koe (hei tauira, mā runga Huitopa) e whakahaeretia ana i te tūnga o te PANNZ Arts Market. Hei kōkiri i ngā mahi tēnei mō ngā āheinga whakaaturanga, ā, ka wātea ēnei ki ngā taraketi rēhita o PANNZ Arts Market 2024 kua rehitatia, ā, ka wātea ēnei ki runga i te pūwhara mō te kotahi tau.
Ki te kore e angitu tō tono, ka mukua katoatia ō pārongo me ngā rawa whakatairanga kua tukuna atu i te pūnaha.
ME MAUMAHARA: ahakoa ka wātea mai ō pārongo me ō rawa whakatairanga i te wā o te Market, i muri mai hoki, ka taea e koe te takiuru ki te pūwhara o PANNZ Arts Market i ngā wā katoa ki te whakatika, whakahou, muku rānei i tō kīwhaiaro me ērā atu pārongo kua homai e koe.
Mēnā he raru ōu ki te tuku i tō puka tono me whakapā atu ki a Lesley-Anne, lesleyanne@pannz.org.nz.